مقال للـتــاريـــخ فى تعلم الانجليزى وانت قاعد فى بيتك معزز مكرم

  

كله بيسال عاوز يتعلم انجليزي في الاجازة ....المقال ده طويل شوية بس لازم تقراه كله عشان خاطري (أنا أخدت أكيد وقت أطول وأنا بكتبه أكتر من وقتك وانت بتقرأه) ده لو فعلا نفسك تتعلم حاجة في ال3 شهور دول ......انا مبحبش المقدمات بس لازم اوضح ان المقال هو الطريقة اللي انا هستخدمها في تعلم اللغة مش موضوع بقي تعلم الانجليزية من الصفر وحتي الاحتراف ....فانا ححط اللينكات اللي انا هشتغل بيها وبعد كده هبقي احط ماتريال كاملة كبيرة جداً جداً للي حابب يبقي يحفظها عنده

📢الكل عارف ان اي لغة بتتكون من 4 مهارات

Speaking , Listening , Reading& Writing

انا هبدا بأول اتنين لانك عشان تكلم صح لازم الاول تسمع كويس ....اي واحد native(يعني من السكان الأصليين للبلد) اتعلم اي لغة عن طريقة السماع زي ما احنا اتعلمنا اللغة العربية العامية بتاعتنا في مصر ....فيبقي لازم نسمع من ناس native ....أنا عموما عاوز أتعلم American English فأنا هسمع ناس أمريكان عشان اتعلم.

قبل ما اقدملك ماتريال عشان تسمعها انت محتاج تتعلم انك تسمع صح.... من اول هنا هنبدا عارف اني هطول بس معلش استحمل.

1-أول حاجة احنا صعب علينا نسمع انجليزي كويس عشان كلمات الانجليزي فيها كتير اوي vowels(حروف متحركة) و diphthongs (بمعني ان حرفين يدخلوا في بعض وينطقوا كحرف واحد بلغة التجويد في القرآن "ادغام" عشان اخواننا الازهرية) فعشان كده الكلمات بتدخل في بعضها وانت بتسمع ....الظاهرة دي اسمها Minimal pairs ممكن تبحث عنها وتشوف الكلمات دي زي so saw.....desk disk ....sit-seat وهكذا كلمات كتير.

2-الناس ال native لما بيتكلموا بيختصرو الكلام ويربطوه ببعضه زي مالناس بتقول كده بيأكلوا الكلام وده لاسباب ...اولها ان في حاجة في english اسمها contracted verbs forms زي I'm وHe's وهكذا... الكلمات دي لما بتتنطق كده بيختلف مدلولها ونطقها عن لل full forms زي i am وثانياً في حاجة اسمها weak forms وكمان phonatic links ممكن تبقوا تشوفوا امثلة ليهم علي النت عشان منطولش ....المهم ان الحاجات دي بتتطنطق بسرعة فانت مش بتستوعبها فاحنا فالاول لازم نتغلب علي المشكلتين دول.

طبعا بعد الرغى ده كله عاوز تعرف ايه الحل .....الحل يكمن في نقطتين انك تسمع كويس وهقولك ازاي وانك تتعلم pronunciation (اللي هو طريقة نطق الكلمات والحروف ) وبردو هقولك ازاي ...المهم الاتنين دول لازم يكونو تزامنيين مع بعض مش واحد قبل التاني لانك عشان تسمع كويس محتاج تكون بتنطق كويس والعكس بردو ....طيب بردو لسه ما قولناش الحل نبدأ علي بركة الله

3-دي واحدة تالتة فيها حاجة اسمها Ben Franklin exercisesوده عبارة عن اختبار تتعلم فيه ازاي تسمع كويس وتفصص كل جملة وتكتبها وبعد كده تشوف اللي انت سمعته مكتوب بنص اصلي وتقارن اللي انت كتبته بالاصلي وتشوف انت سقطت ايه منك وتتعلمه وده هيضيفلك كتير

http://adyou.me/rR22

🔑طيب ازاي تتدرب علي الموضوع ده

⬅ ممكن تنزل الأفلام الاجنبي من اي موقع تورنت عشان تنزل من غير ترجمة وبعدين تنزلها ترجمة انجليزي من الموقع ده

 subscene.com

⬅ ممكن لو انت مش عندك وقت تنزل تستخدم ده

   http://adyou.me/6B11

 الافلام اللي عليه اونلاين ومترجمة english جاهزة

⬅ ممكن تسمع اي فيديو من يوتويب وهتلاقي موربع تحت مكتوب في cc (ودي معناها closed captions مش حاجة تانية عشان مانروحش في داهية ) وتختار منه english وهيعرضلك الكلام english

⬅ ممكن تستخدم الموقع ده

http://adyou.me/rIFF

وده منه بتختار لغتك اللي هي العربيه وبعد كده هو بيعرضلك فيديوهات في جميع المجالات مترجمه english وممكن تقف علي الكلمة اللي انت مش عارفها وبيترجمهالك للعربي وده الصراحة موقع مفيد جدا جدا

⬅ ممكن تسمع فيديوهات من

http://adyou.me/g2YY

ودي هتبقي حاجة مفيدة جدا وانا بفضل استخدامها وممكن تعرضلك بردو ترجمة english من تحت الفيديو هتلاقي في حاجة اسمها subtitle وتختار منها english

⬅ممكن تستخدم الموقع الرائع جدا جدا ده 

 http://adyou.me/LsKK

 وده من خلاله تقدر تكتب الكلمة او الجملة اللي انت عاوز تنطقها وهو هيبحث عن فيديوهات فيها الكلمات دي ويجيبلك ناس بتتكلمها من علي اليوتيوب وهو مفيد جدا الصراحة

⬅ ممكن من خلال القناة دي  

http://adyou.me/Mk99

 وهي فيها شاب عربي بيستخدم العبارات المشهورة في الافلام الاجنبيه ويعملها في فيديو منفصل وبشكل كويس وهيفيدك في ازاي تتعلم انجليزي من الافلام

⬅ القناة دي نفس المبدا وعربية بردو

http://adyou.me/rgii

⬅ ممكن تستخدم الموقع ده

 http://www. http://adyou.me/NQRR

 وده عليه محادثات تسمعها والنص الاصلي بتاعها مكتوب قدامك كمان وبردو مفيد جدا

🔑كفاية كده وننتقل لحاجة تانيه هي انك تتعلم pronunciation اللي قولنا عليه طبعا انت هتتعلم كتير منه وانت بتسمع بس بردو ممكن نتعلم اكتر عن نطريق الحاجات دي

⬅ دي قناة اسمها Rachel's English الست دي حرفياً بتجوّد الانجليزي زي الشيخ الحصري وهو بيقرأ قرآن كده مع فرق المثل طبعاً ....هتتعلم منها حاجات كتير زي schwa sound و ازاي تختصر الكلمات وتربطها ببعضها وعموما شوفها وهتستفاد منها اوي وانا الصراحة بحب شغلها جدا اللينك بتاع ال playlists بتاعتها اه

http://adyou.me/it33

⬅ ودي فيديوهات بيقدمها عبدالله عامر ودي صفحته

 https://www.facebook.com/Amership9?fref=nf

ياريت تعملو فولو وانا هبقي انزلكوا شوية صفحات وناس زي عبدالله بيقدمو حاجات مميزة في الانجليزي https://www.facebook.com/Amership9/videos

_by

⬅ ودي بردو playlist ممتازة تتعلم منها ال pronunciation

http://adyou.me/Nmkk

⬅ القناة دي بردو ممتازة بس انا مش عارف اطلع منها فيديوهات ال pronunciation في playlist لوحدها فاتفرج انت براحتك

http://adyou.me/ddxx

⬅ ودي قناة تانية علي نفس الشاكلة بس بتركز أكتر علي ال british english

https://www.youtube.com/playlist?list=PL67CF2C29C5D476A3

🔑كده يبقي حضرتك بتسمع كويس وعارف تنطق صح ازاي فاضلك بقي الممارسة اللي طبعا صعبة جدا في وسط المجتمع اللي احنا فيه اللي لو كلمت حد كلمة واحدة انجليزي يتريق عليك طيب ايه الحل ؟

ممكن لو انت قريب من القاهرة او تقدر تروح ....السفارة الامريكية في القاهرة بتقدملك الحل والتفاصيل في اللينك ده http://on.fb.me/1QkeTUV

طيب لو مش متاح طبعا ممكن تعمل الموضوع ده انت واصحابك او في بعض الكورسات بتوقر ايام بيعملوا فيها محادثات مع بعض ممكن تدور عليها وتشارك فيها ....طيب لو مش متاح ممكن وانت قاعد علي سريرك تتواصل مع ناس من بلاد تانية عن طريق Language exchange websites

زي

وده تقريبا افضل موقع

http://adyou.me/8nOO

وده فيديو يوضح استخدامه https://www.youtube.com/watch?v=XXpspm5y3A0

فيه مواقع تانيه بردو ممتازة زي

http://www.lingoglobe.com/

https://www.gospeaky.com/

http://www.easylanguageexchange.com/

https://coeffee.com/login

والمواقع دي كلها استخدامها سهل والتسجيل فيها سهل وممكن لو وقفت في أي حاجة تدور علي شرح للموقع علي جوجل .

🔔كده يبقي تقريبا خلصت الحاجات اللي انا شوفتها لسه هشوف شوية حاجات كمان وابقي ازودها في البوست ده ....ولسه هبقي اكتب طبعا ازاي تحسن مهارات reading&writing بس لسه هشوف الماتريال بتاعتهم المتوفره عندي

🔔 في بعض الناس هتشوف الحاجات دي عشوائية وغير ممنهجة بس انا شايف من وجهة نظري ان دي الطريقة اللي انا أفضّل أتعلم بيها وعموماً أنا بردو هبقي أحط بعض الكورسات الكاملة اللي هي من الألف للياء زي ما بيقولوا بس بردو هبقي اشوفهم الاول واختار الحاجات المحترمة.